Wo die Krems a kloanes Bacherl nur,
durch das greane Tal sich schlingt,
hört man schon in aller Fruah,
wia da Ambos unter´m Hammer klingt,
und die Mauer und der Hirschwaldstoa,
schaun weit hinaus ins Land,
dort liegt Micheldorf und Kirchdorf drinn,
und a Schlierbach eng beinaund.

Mitten drinnan in da Landschaft,
reckt a Mugl sich in d´Höh,
oben tramt a ganz kloas Kircherl,
und a Wirtshaus in da näh,
schaut´s eich doch a wengal b´sinnle,
von do drobn de Gegend an,
daun wird Mancher a begreifen,
wia schön ma do dahoam sein kann.

S´is ka wunder wan d´Leid wualat wern,
zum Georglbergl ziagn,
von da weidn schau zwoa Hörndl hörn,
zu an Gsangl glei an Blaunga kriagn,
daun wird gsunga bis da Tog versinkt,
bis das hoamle wird im Tal,
no a Liachtl her vom Pernstoa winkt,
nur die Krems rauscht drunt im Tal.